Quality of Education ထၢၼ်ႈလီပၢႆးပၺ်ႇၺႃႇ

•ထၢၼ်ႈလီပၢႆးပၺ်ႇၺႃႇပွင်ႇဝႃႈသင်၊ တႅၵ်ႈတူၺ်းတီႈလႂ်လၢႆလၢႆ၊ တႅၵ်ႈၸိူင်ႉႁိုဝ်။

1.ထၢၼ်ႈလီပၢႆးပၺ်ႇၺႃႇ-လွၼ်ႉမွၼ်းၶေႃႈမုၼ်းဢၼ်ဢၢၼ်းပၼ်၊ ႁူဝ်ၼပ်ႉမေႃသွၼ်၊ ႁူဝ်ၼပ်ႉပပ်ႉႁဵၼ်းဢၼ်ၸႅၵ်ႇပၼ်၊ ၶၢဝ်းယၢမ်းပူင်သွၼ်၊ ၶၢဝ်းယၢမ်းဢၼ်လုၵ်ႈႁဵၼ်းႁဵၼ်းႁင်းၶေႃ၊ ၽွၼ်းလႆႈၵၢၼ်သွၼ်ၼင်ႇဝၢၵ်ႈ၊ ၵၢၼ်လႅၵ်ႈလၢႆႈလုၵ်ႈ ႁဵၼ်း၊ လွင်ႈတူဝ်ႈတၼ်းၶဝ်ႈႁၢပ်ႇႁဵတ်းၵၢၼ်ဝၢႆးႁဵၼ်းယဝ်ႉ။

2.တႅၵ်ႈတူၺ်းထၢၼ်ႈလီပၢႆးပၺ်ႇၺႃႇတီႈယူင်ႉ-လၵ်းၼမ်းပေႃႇလၸီႇပၢႆးပၺ်ႇၺႃႇ၊ လၵ်းႁဵၼ်း ပၢႆးႁဵၼ်းဢၼ်မၵ်းမၼ်ႈ၊ ၽႃႇသႃႇၵႂၢမ်းလၢတ်ႈဢၼ်ၸႂ်ႉတိုဝ်းၼႂ်းႁူင်းႁဵၼ်း၊ ပိူင်ၵၢၼ်တႅပ်းတတ်းၸတ်းပွင် ပၢႆးပၺ်ႇၺႃႇ၊ ပိူင်ၵၢၼ်ၸတ်းၵၢၼ်ၼႂ်းႁွင်ႈႁဵၼ်း၊ တူင်ႇဝူင်းၵၢၼ်ႁဵၼ်းသွၼ် Learning Environment ၵၢၼ်ၸႅၵ်ႇၽေႁႅင်းပွင်ၼႂ်းၵႄႈႁူင်းႁဵၼ်း၊ ၽူႈၵွၼ်းႁူင်းႁဵၼ်း၊ ၸေႈဝဵင်း၊ ၸိုင်ႈမိူင်းၸွင်ႇပဵၼ်လၢႆdemocracy လၵ်းၼမ်းပၢႆးပၺ်ႇၺႃႇၸွင်ႇပၼ်ႁႅင်းၵၢၼ်လမ်းတိုၼ်းသွၵ်ႈႁႃ၊ ပိူင်ၵၢၼ်ထတ်းထွင်ၼမ်ႉၵတ်ႉလုၵ်ႈႁဵၼ်း(လၢႆးထတ်းထွင်ထၢၼ်ႈၵၢၼ်ႁုၼ်ႈမုၼ်း)၊ သုတ်းႁူင်းႁဵၼ်းယဝ်ႉႁႃၵၢၼ်ၸွင်ႇငၢႆႈ(လူင်ပွင်ၸိုင်ႈ၊ ၽူႈၸတ်းၵၢၼ်ပၢႆးပၺ်ႇၺႃႇတေလႆႈဝူၼ်ႉႁၼ်ဝႆႉ ပေႃးလုၵ်ႈႁဵၼ်းယဝ်ႉၸၼ်ႉသုင်ၼႆ ႁဵတ်းၵၢၼ်လႆႈဢီႈသင်၊ ၸွင်ႇၼႃႈၵၢၼ်ၼႂ်းတူင်ႇ မီးဝႆႉတႃႇၶဝ်)၊ ၶၢဝ်းယၢမ်းသွၼ်ပၢႆးႁဵၼ်း ဢၼ်ၸႅၵ်ႇၽေဝႆႉၼၼ်ႉ ၸွင်ႇၵိုင်ႇငၢမ်ႇတင်းယိူင်းမၢႆပၢႆးႁဵၼ်း၊ ၶၢဝ်းယၢမ်းႁဵၼ်းတင်းပီၼိုင်ႈႁွင်ႈႁဵၼ်း၊ ၼိုင်ႈပၢႆးၸွင်ႇၵိုင်ႇတင်းယိူင်းမၢႆႁူင်းႁဵၼ်း၊ တိုဝ်ႉတၢင်းၵၢၼ်ႁဵၼ်းလုၵ်ႈႁဵၼ်း ဢၼ်ၸၢင်ႈတၢဝ်းဝၵ်ႉလႆႈၸမ်ၸမ်ၸွင်ႇမီး၊ လွင်ႈလွတ်ႈလႅဝ်းၼႂ်းၵၢၼ်ႁၢင်ႈႁႅၼ်းပၢႆးႁဵၼ်း၊ ၵၢၼ်သွၼ်ၵၢၼ်ႁဵၼ်းၸွင်ႇမီး။

3.တႅၵ်ႈတူၺ်းထၢၼ်ႈလီတီႈပၢႆးပၺ်ႇၺႃႇတိုၼ်းလၢင်းလႄႈ ၶၵ်ႉၵၢၼ်သၢင်ႈပၢႆးပၺ်ႇၺႃႇ- တိုၼ်းလၢင်းသွင်တွၼ်ႈ-(႑)ငိုၼ်းတွင်း၊ ၶူဝ်းၶွင်၊ ဢဵၼ်ႁႅင်းၵူၼ်း။ (႒) ၵၢၼ်ၸတ်းၵၢၼ်လႄႈၵၢၼ်ၸွင်းၸေးပၢႆးပၺ်ႇၺႃႇ ဢၼ်မီးထၢၼ်ႈလီ။ တိုၼ်းလၢင်းဢၼ်တေၶဝ်ႈပႃး-ငိုၼ်းတွင်းတႃႇ သၢင်ႈႁူင်းႁဵၼ်း၊ ပၢင်ၽိုၵ်းၽွၼ်ႉမေႃသွၼ်၊ ၶူဝ်းၶွင်ဢၼ်လူဝ်ႇၸႂ်ႉၼႂ်းႁူင်းႁဵၼ်း၊ ငိုၼ်းလိူၼ်မေႃသွၼ်၊ ငိုၼ်းၼႂ်းၵၢၼ်ၸတ်းၵၢၼ်ၵူႈလွင်ႈꧦ။ ဢဵၼ်ႁႅင်းၵူၼ်းႁၢပ်ႇၵၢၼ်၊ ၼမ်ႉၵတ်ႉႁႅင်းၵူၼ်းႁၢပ်ႇၵၢၼ်ၸွင်ႇငၢမ်ႇမႅၼ်ႈၵၼ်တင်းယိူင်းမၢႆ ႁူင်းႁဵၼ်း၊ ပၢႆးပၺ်ႇၺႃႇ။ ႁူဝ်ၼပ်ႉႁူင်းႁဵၼ်း၊ ႁွင်ႈႁဵၼ်း၊ ႁူင်းႁေႃး၊ ႁူင်းၼႄပိုၼ်း၊ ႁွင်ႈသၢင်ႈပၢႆးသၢႆႈၸွင်ႇတဵမ်ထူၼ်ႈပဵင်းပေႃး။ ၵၢၼ်လဵပ်ႈႁဵၼ်း၊ ထွင်ႈထဵဝ်း၊ လမ်းတိုၼ်းၼွၵ်ႈႁွင်ႈႁဵၼ်းၸွင်ႇမီး။ ပိုၼ်းလုၵ်ႈႁဵၼ်း(ပိုၼ်ႉထၢၼ်ၵၢၼ်မၢၵ်ႈမီးတူင်ႇၵူၼ်း၊ ပၢႆးယူႇလီ၊ ၵၢၼ်ႁႃၵိၼ်လဵင်ႉတွင်ႉ၊ ၽိင်ႈထုင်းလႄႈလွင်ႈဝႆႉၵႃႈၶၼ်)ပၢႆးပၺ်ႇၺႃႇၼႆႉတေလႆႈမႅၼ်ႈတင်းၸၼ်ႉထၢၼ်ႈလႄႈ တၢင်းလူဝ်ႇၵူၼ်းၼႂ်းတူင်ႇၵူၺ်း။ ၵၢၼ်ၸတ်းၵၢၼ်တိုၼ်းလၢင်း ၼၼ်ႉတေၶဝ်ႈပႃး-ၵၢၼ်ၸတ်းၵၢၼ်ၼႂ်းႁူင်းႁဵၼ်း၊ ၵၢၼ်ၸႅၵ်ႇၽႄႁႅင်းပွင်၊ ၼႃႈတီႈၽူႈႁၢပ်ႇၵၢၼ်ၼႂ်းႁူင်းႁဵၼ်း။ လွင်ႈလွတ်ႈလႅဝ်းမေႃသွၼ် ၼႂ်းၵၢၼ်ၶူင်သၢင်ႈလွင်ႈတူင်ႉၼိုင် ပၢႆးႁဵၼ်းလႄႈၵၢၼ်ၵပ်းသိုပ်ႇၵပ်းသၢၼ်လုၵ်ႈႁဵၼ်း။ ႁႅင်းၸႂ်မေႃသွၼ်လႄႈၽိင်ႈတိုဝ်းၵမ်ၼႂ်းၵၢၼ်သွၼ်။ ၵၢၼ်ႁူမ်ႈသၢင်ႈတူင်ႇၵူၼ်း၊ ပေႃႈမႄႈၼႂ်းၵၢၼ်သွၼ်ႁဵၼ်း။ ၵၢၼ်ဢွၼ်ႁူဝ်ၼႂ်းၵၢၼ်သၢင်ႈပၢႆးပၺ်ႇၺႃႇၸၼ်ႉႁူင်းႁဵၼ်း။ တၢင်းလူဝ်ႇပေႃႈမႄႈလႄႈတၢင်းလူဝ်ႇမေႃသွၼ်ၸင်ႇၵွၼ်းၵိူင်ႈၵၼ်။ လွင်ႈၸတ်းၵၢၼ်ၶၢဝ်းယၢမ်းဢၼ်ၵိုင်ႇၵၢမ်ႇၼႂ်း ၵၢၼ်သွၼ်။ တိုဝ်ႉတၢင်းၵၢၼ်ႁဵၼ်းႁူႉ ၼႂ်းႁွင်ႈႁဵၼ်း/ၼႂ်းတူင်ႇ။ ပိူင်ၵၢၼ်ထတ်းထွင်ၼမ်ႉၵတ်ႉလုၵ်ႈႁဵၼ်း။ တၢင်းႁၼ်ဢၼ်ယၼ်ၼိူဝ်လွင်ႈထိုင်တီႈ။ ဢၼ်ႁၼ်ဢၼ်ယၼ်ၼိူဝ် တိုၼ်းလၢင်းတႃႇလွင်ႈထိုင်တီႈ။ တၢင်းႁၼ်ဢၼ်ယၼ်ၼိူဝ်လွင်ႈၶဝ်ႈငၢမ်ႇ။ တၢင်းႁၼ်ဢၼ်ယၼ်ၼိူဝ်လွင်ႈၽဵင်ႇပဵင်း။ တၢင်းႁၼ်ဢၼ်ယၼ်ၼိူဝ်လွင်ႈပဵင်းပေႃး။ တၢင်းႁၼ် ဢၼ်ယၼ်ၼိူဝ်လွင်ႈဢမ်ႇၵပ်းတၢမ်း။