ပုၼ်ႈၽွၼ်းၼႃႈၵၢၼ်ၽူႈၵွၼ်းႁူင်းႁဵၼ်း

ပုၼ်ႈၽွၼ်း လႄႈ ၼႃႈၵၢၼ်ၽူႈၵွၼ်းႁူင်းႁဵၼ်း

ၸတ်းလွၵ်းၶၢဝ်းယၢမ်းသွၼ် လႄႈ ၶူးသွၼ်ၸွမ်းၽႃႇသႃႇ

ဢွၼ်ၸတ်းႁဵတ်းပၢင်ၵုမ်လိူၼ်၊ ပၢင်ၵုမ်ၶိုၵ်ႉၶၵ်ႉ

တမ်းၶၢဝ်းယၢမ်းတႃႇတွပ်ႇလိၵ်ႈ၊ ထတ်းလိၵ်ႈ

• ✅ ၵုမ်းထိင်း(ၶူးသွၼ်/လုၵ်ႈႁဵၼ်း/ႁူင်းႁဵၼ်း)ပႃႈတႂ်ႈၸဝ်ႈၵဝ်ႇ။
• ✅ ၵပ်းသၢၼ်ၵၢၼ်ငၢၼ်းၸွမ်းၵေႃၵမ်ၵၢၼ်ႁူင်းႁဵၼ်း လႄႈၵၢင်ႉ/ႁဵင်/ၸဝ်ႈၼႃႈတီႈဢၼ် ၵဵဝ်ႇၶွင်ႈ
• ✅ ၶွတ်ႇၽွတ်ႈ၊ တူင်ႉၼိုင် ၾိင်ႈငႄႈၾိင်ႈထုင်းလႄႈ ၵၢၼ်လဵၼ်ႈႁႅင်း။
• ✅ ႁဵတ်းလၢႆးငၢၼ်းပၢတ်ႈ/လိူၼ်(သၢႆမၢႆ ၶူးသွၼ်/လုၵ်ႈႁဵၼ်း/ ၵေႃၵမ်ၵၢၼ်ႁူင်းႁဵၼ်း/ၶူဝ်းၶွင်/

လွင်ႈတူင်ႉၼိုင်ၵၢၼ်ငၢၼ်း)။

• ✅ ထတ်း ႁူင်းႁဵၼ်း/ၶူးသွၼ် /လုၵ်ႈႁဵၼ်း/ ၵၢၼ်ႁဵၼ်းၵၢၼ်သွၼ်/ လွင်ႈၶိုၼ်ႈယႂ်ႇ ယူပ်ႈယွမ်း ႁူင်းႁဵၼ်း/ပၢႆးယူႇလီလုၵ်ႈႁဵၼ်း/ လွင်ႈမူတ်းသႂ်ႁူင်းႁဵၼ်း။
• ✅ သွၼ်လိၵ်ႈၸွမ်းၼင်ႇပုၼ်ႈၽွၼ်းမီး။
• ✅ ႁဵတ်းပၢင်ၵုမ်ၶူး/ၼိုင်ႈလိူၼ် (1) ပွၵ်ႈ၊ ပေႃႈမႄႈလုၵ်ႈႁဵၼ်းတီႈဢေႇသုတ်းၼိုင်ႈ ပီ(2)ပွၵ်ႈ။
• ✅ ၶဝ်ႈႁူမ်ႈပၢင်ၵုမ် ၼႂ်းၼႃႈတီႈသေ တၢင်ႇၼေၵၢၼ်ငၢၼ်းဢၼ်လႆႈႁဵတ်းသၢင်ႈယဝ်ႉလႄႈ ပၼ်

တၢင်းႁၼ်ထိုင် ၼင်ႇႁိုဝ်ႁူင်းႁဵၼ်းပေႃးတေၶိုၼ်ႈယႂ်ႇ။

• ✅ မီးပုၼ်ႈၽွၼ်းပၼ်တၢင်းႁၼ်ထိုင် တီႈၸုမ်းပွင်ၵၢၼ်ႁူင်းႁဵၼ်း။
• ✅ ထတ်းလၢႆးသွၼ်လိၵ်ႈၶူးသွၼ်လႄႈ ၼႄႉၼမ်းပၼ်ၵၢၼ်သွၼ်တီႈၶူးသွၼ်။
• ✅ ႁပ်ႉႁဵတ်းသၢင်ႈၶူင်းၵၢၼ်ပူၵ်းပွင်ႁူင်းႁဵၼ်း။

မိူဝ်ႈႁူင်းႁဵၼ်းတေပိုတ်ႇ

မိူဝ်ႈၼႃႈတေပိုတ်ႇႁူင်းႁဵၼ်းၼၼ်ႉ ၽူႈၵွၼ်းႁူင်းႁဵၼ်းမီးပုၼ်ႈၽွၼ်းတေလႆႈ ၽႅၼ်ၵၢၼ်ၼင်ႇပႃႈ တႂ်ႈၼႆႉယဝ်ႉ။

1. ပိုၼ်ၽၢဝ်ႇတႃႇႁပ်ႉလုၵ်ႈႁဵၼ်းမႂ်ႇ၊ ပိူင်(ၽွမ်ႇ)လဝ်ႈၶဝ်ႈႁဵၼ်း၊ ၸၼ်ႉလိၵ်ႈၼမ်ႉၵတ်ႉ ဢၼ် တေလႆႈမီး(တႃႇလုၵ်ႈႁဵၼ်းတၢင်ႇတီႈ)၊ ငိုၼ်းၸႂ်ႉၸၢႆႇလႄႈ ဝၼ်းလိုၼ်းသုတ်းတၢင်ႇလဝ်ႈၶဝ်ႈ ႁဵၼ်း၊ လွင်ႈတၢင်းပႃႈၼိူဝ်ၼႆႉ ပိုၼ်ၽၢဝ်ႇဝႆႉလူင်ႈၼႃႈမၼ်းလႄႈ ႁႂ်ႈၸွတ်ႇထိုင်လုၵ်ႈႁဵၼ်း တင်းသဵင်ႈ။
2. မီးပိူင်ႁပ်ႉလုၵ်ႈႁဵၼ်းတႅတ်ႈတေႃး။ မီးၸုမ်းၵုမ်းၵၢၼ်ဢၼ်ထတ်းၼမ်ႉၵတ်ႉတႃႇႁပ်ႉလုၵ်ႈ ႁဵၼ်း၊ ၸၼ်ႉထၢၼ်ႈၵၢၼ်ႁဵၼ်း၊ ၸိူဝ်းၼႆႉလီငၢမ်းယဝ်ႉ ၸင်ႇမၵ်းမၼ်ႈဝႃႈတေလႆႈယူႇ ၸၼ်ႉ/ႁွင်ႈႁဵၼ်းလႂ်။
3. လူဝ်ႇႁႂ်ႈမၼ်းငၢမ်ႇၵၼ် လုၵ်ႈႁဵၼ်းဢၼ်ႁပ်ႉလႄႈ ၶူဝ်းၶွင်ၸႂ်ႉတိုဝ်း(ၶိူင်ႈၵမ်ႉၵႅမ်)ႁူင်းႁဵၼ်း၊ ၽိူၼ်၊ တင်ႇ၊ တီႈလဵၼ်ႈ၊ တီႈၵိၼ် ၸိူဝ်းၼႆႉ ၸွင်ႇတေၵုမ်ႇၵၼ်ၼႆယဝ်ႉ။
4. ၵဵပ်းမၢႆတွင်းဝႆႉ ပိုၼ်းတူဝ် လုၵ်ႈႁဵၼ်းၶဝ်ဝႆႉလီလီ။
5. လူဝ်ႇမီးၶပ်ႉမၢႆ ၵၢၼ်ႁဵၼ်းၵူႈၽႃႇသႃႇ ၵူႈပၢႆး တႃႇတင်းပီ( Lesson outline )
6. တူၺ်းႁူဝ်ၼပ်ႉလုၵ်ႈႁဵၼ်းသေ ၶူးသွၼ်/မေႃသွၼ် ၸွင်ႇငၢမ်ႇၵၼ် သင်လုၵ်ႈႁဵၼ်းၼမ်ၼႆ ၽူႈၵွၼ်းႁူင်းႁဵၼ်း တေလႆႈၸတ်းၵၢၼ်ႁႃထႅင်ႈယဝ်ႉ။

1. ဝၼ်းပိုတ်ႇႁူင်းႁဵၼ်း

ၵၢၼ်ဝၢင်းၽႅၼ် ၽႅၼ်ၵၢၼ်သွၼ်တႃႇတင်းပီႊၼႆႉ တေလႆႈယဝ်ႉတူဝ်ႈ ၸဵမ်မိူဝ်ႈပႆႇပိုတ်ႇႁူင်းႁဵၼ်း ယဝ်ႉ။ ပေႃးၽႅၼ်ၵၢၼ်သွၼ်ႁဵတ်းယဝ်ႉၼႆ ၽူႈၵွၼ်းႁူင်းႁဵၼ်း တေလႆႈ တေလႆႈၶပ်ႉၶိုင်ၼင်ႇပႃႈ တႂ်ႈၼႆႉ-

1. သဵၼ်ႈမၢႆမေႃသွၼ်/ၶူးသွၼ်၊ လုၵ်ႈႁဵၼ်း၊ ၶူဝ်းၶွင်ၶိူင်ႈၵမ်ႉၵႅမ်သေယဝ်ႉၸတ်းၵၢၼ်။
2. ၸႅၵ်ႇႁွင်ႈႁဵၼ်း၊ ၸႅၵ်ႇဢဵၼ်ႁႅင်းၶူး/မေႃသွၼ်၊ ၸႅၵ်ႇၶူဝ်းၶွင်ၶိူင်ႈၵမ်ႉၵႅမ်တႃႇႁူင်းႁဵၼ်း။

မိူဝ်ႈတေၸႅၵ်ႇၶူး/မေႃသွၼ်ၼၼ်ႉ ၵိုင်ႇလီၶႆႈၸႂ်ဝူၼ်ႉတူၺ်းၼင်ႇၼႆ

1. လွင်ႈၶူး/မေႃသွၼ် သူၼ်ၸႂ်ဢၼ်လႂ်- သင်ပဵၼ်လႆႈၵိုင်ႇလီပၼ်ၵၢၼ်တီႈၶဝ်သူၼ်ၸႂ်လႆႈၸႂ်။
2. ၼမ်ႉၵတ်ႉၶူး/မေႃသွၼ်- လိူဝ်သေဢၼ်ၶဝ်သူၼ်ၸႂ်ယဝ်ႉ တူၺ်းပႃးၼမ်ႉၵတ်ႉ၊ ဢၼ်တေ ႁဵတ်းပဵၼ်လႆႈလႄႈ ၵၢၼ်တူဝ်ထူပ်းၶဝ်ၼၼ်ႉယဝ်ႉ။
3. ၸၼ်ႉထၢၼ်ႈပုၼ်ႈၽွၼ်းၽဵင်ႇၵၼ်- တၢင်းၼမ်ၼႃႈၵၢၼ်လႄႈၶၢဝ်းယၢမ်းႁၢပ်ႇၵၢၼ်တေလႆႈ ၽဵင်ႇၵၼ်၊ ၽဵင်ႇလႆႈၵႃႈႁိုဝ်လီၵႃႈၼၼ်ႉ။
4. ဢုပ်ႇၵုမ်ၶူး/မေႃသွၼ်တေႃႇၵေႃႉသေ မၵ်းမၼ်ႈၽႅၼ်ၵၢၼ် ၽႃႇသႃႇ ဝိၶျႃးတႃႇတင်းပီႊ၊ မၵ်း မၼ်ႈလူင်ႉတူင်ႉၼိုင်ၼႂ်းႁွင်ႈႁဵၼ်း၊ ၶူဝ်းၶွင်လႄႈငိုၼ်းဢၼ်ဢၢၼ်းၸႂ်ႉ၊ လွင်ႈတူင်ႉၼိုင်ၼွၵ်ႈ ႁွင်ႈႁဵၼ်းၸိူဝ်းၼႆႉယဝ်ႉ။
5. သင်ပဵၼ်လွင်ႈတူင်ႉၼိုင် ၽႃႇသႃႇ ပၢႆးၵၢၼ်ႁဵၼ်း ဢၼ်ၵဵဝ်ႇလူၺ်ႈတင်းႁူင်းႁဵၼ်းၼႆ ႁႂ်ႈ ဢုပ်ႇ ၵုမ် ၼႂ်းပၢင်ၵုမ်ၶူး/မေႃသွၼ်။
6. ၸတ်းပၢင်ႁပ်ႉတွၼ်ႈလုၵ်ႈႁဵၼ်းမႂ်ႇ၊ ပိုၼ်ၽၢဝ်ႇလူင်ႈတူင်ႉၼိုင်တႃႇၼိုင်ႈပီ၊ ဝၼ်းဢိုတ်း ႁဵၼ်း၊ လွင်ႈမုင်ႈမွင်းၵၢၼ်ႁူမ်ႈသၢင်ႈလုၵ်ႈႁဵၼ်းၶဝ်။

1. ၶၢဝ်းသွၼ်ႁဵၼ်း

ပုၼ်ႈၽွၼ်းၽူႈၵွၼ်းႁူင်းႁဵၼ်း ဢၼ်တေလႆႈႁဵတ်းၵူႈဝၼ်း ၶၢဝ်းၶိုၼ်ႈႁဵၼ်းလႄ သွၼ်ႁဵၼ်း ၼၼ်ႉ တေပဵၼ်ၼင်ႇပႃႈတႂ်ႈၼႆႉယဝ်ႉ။

1. ၸတ်းၵၢၼ် တူၺ်းၸွမ်းၵၢၼ်သွၼ် ၵူႈပၢႆးပၢႆး၊ ၵူႈၽႃႇသႃႇ ၵူႈပၢႆး။
2. ၸတ်းပၢင်တၢၼ်ႈၶႆႈ၊ ပၢင်ဢုပ်ႇၵုမ်၊ ပၢင်ႁူပ်ႉထူပ်း လွင်ႈတူင်ႉၼိုင် ဢၼ်ၵဵဝ်ႇၸွမ်းၼင်ႇၶူး/ မေႃသွၼ် ၽၢႆႇလႂ်ပၢႆးၼၼ်ႉ တႃႇပဵၼ်လွင်ႈၵမ်ႉထႅမ်ၼႂ်းၵၢၼ်ႁဵၼ်း။
3. ထတ်းၸွမ်းလွင်ႈၵၢၼ်ၶိုပ်ႈၼႃႈၼႂ်းၵၢၼ်သွၼ်ႁဵၼ်း၊ လွၵ်းလၢႆးၵၢၼ်သွၼ်၊ ႁႅင်းႁပ်ႉလႆႈလုၵ်ႈ ႁဵၼ်း၊ လွင်ႈႁုၼ်ႈမုၼ်းလုၵ်ႈႁဵၼ်းၸိူဝ်းၼႆႉယဝ်ႉ။
4. ၽိတ်ႈမွၵ်ႇၽူႈလူင်ႉလႅၼ်ႇ ၼႂ်းတူင်ႇ/တၢင်ႇတီႈ မႃးလႅၵ်ႈလၢႆႈတၢင်းႁူႉၼႂ်းႁူင်းႁဵၼ်း။
5. ႁႂ်ႈမီးၽိုၼ်တွင်းမၢႆၵၢၼ်သွၼ်၊ လွင်ႈၶိုၼ်ႈယႂ်ႇလုၵ်ႈႁဵၼ်း၊ မၢၵ်ႈလုၵ်ႈႁဵၼ်း၊ လိၵ်ႈပွင်လုၵ်ႈႁဵၼ်း။
6. သင်ဝႃႈထတ်းသၢင်ႈယဝ်ႉ ႁႂ်ႈဝူၼ်ႉပႃး တႃႇလူလွမ်တူၺ်းၸွမ်း တီႈဢၼ်ၵိုင်ႇလီမူၼ်ႉမႄး/ တီႈဢၼ်ႁုၼ်ႈမုၼ်းၶိုၼ်ႈယႂ်ႇ။
7. မီးၽိုၼ်မၢႆတွင်းလွင်ႈၵၢၼ်တူင်ႉၼိုင်၊ ၶေႃႈပၼ်တၢင်းႁၼ်ထိုင်၊ ၵၢၼ်လႅၵ်ႈလၢႆႈၼႂ်းၼႃႈၵၢၼ်၊ လွင်ႈၶိုၼ်ႈယႂ်ႇ၊ လွင်ႈတူင်ႉၼိုင်ဢၼ်ၵိုင်ႇသိုပ်ႇလႄႈ ဢၼ်ဢမ်ႇ ၵိုင်ႇသိုပ်ႇႁဵတ်း။

ဝၼ်းၸမ်ဢိုတ်းႁူင်းႁဵၼ်းသဵင်ႈပီ

မိူဝ်ႈႁူင်းႁဵၼ်းပႆႇဢိုတ်းၼၼ်ႉ ၽူႈၵွၼ်းႁူင်းႁဵၼ်း တေလႆႈႁၢင်ႈႁႅၼ်းဝႆႉ ၼင်ႇပႃႈတႂ်ႈၼႆႉယဝ်ႉ။

1. ၸတ်းဝၼ်းၶေႉၶဵင်ႇၵၢၼ်လဵၼ်ႈႁႅင်း၊ ယုၵ်ႉယွင်ႈသူးၵတ်ႉၶႅၼ်ႇၼႂ်းၵၢၼ် လဵၼ်ႈႁႅင်း။
2. ႁၢင်ႈႁႅၼ်းလၢႆးငၢၼ်း ၵၢၼ်တူင်ႉၼိုင် ၶွပ်ႈပီႁူင်းႁဵၼ်း၊ ဢဵၼ်ႁႅင်းၶူး/မေႃသွၼ်၊ ပၢႆးႁဵၼ်း၊ ငဝ်းလၢႆးလုၵ်ႈႁဵၼ်း၊ ငိုၼ်းတွင်း၊ ၸွမ်းၼင်ႇႁၢင်ႈႁႅၼ်းဝႆႉ ၸွင်ႇငၢမ်ႇၵၼ် တင်းပီ ဢၼ်လႆႈ ႁၢင်ႈႁႅၼ်းမႃးလႄႈ ၸွင်ႇႁၢင်ႇၵႆၵၼ်ႁႅင်း တင်းဢၼ်လၢမ်းၶၢတ်ႈဝႆႉ။
3. ဢွၵ်ႇမၢၵ်ႈ ႁူဝ်ပီႊလုၵ်ႈႁဵၼ်း၊ (ၸွမ်းၼင်ႇၽႃႇသႃႇ ပၢႆးဢၼ်တမ်းဝႆႉ) သင်ႁဵတ်းၽိတ်း ထုၵ်ႇလီတမ်းပိူင်လူတ်းမၢၵ်ႈယဝ်ႉ။) မိူၼ်ၼင်ႇ-(ဢဝ်ပပ်ႉႁၢႆ။)

ႁဵတ်းပၢင်ၵုမ်ၶွပ်ႈပီ ၶူး/မေႃသွၼ်။ ထတ်းသၢင်လွင်ႈလီလွင်ႈၸႃႉၵၢၼ်တူင်ႉၼိုင်၊ ၼႂ်းၵၢၼ် ၸတ်းၵၢၼ်ၵူႈလွင်ႈလွင်ႈယဝ်ႉတူဝ်ႈယဝ်ႉ ၸင်ႇဢိုတ်းႁူင်းႁဵၼ်း။