ပုၼ်ႈၽွၼ်း ၽူႈမၢႆလႄႈၶူးသွၼ်ၼႂ်းႁူင်းႁဵၼ်း

ပုၼ်ႈၽွၼ်း ၽူႈမၢႆႁူင်းႁဵၼ်း

ႁၢင်ႈႁႅၼ်းၸွႆႈၶေႃႈမုၼ်း ၼႂ်းၵၢၼ်သွၼ်

ၵၢၼ်လုမ်း (တၢင်ႇလိၵ်ႈ၊ ၶၢဝ်ႇသၢၼ်)

ၵဵပ်းမၢၵ်ႈလုၵ်ႈႁဵၼ်း (ႁူဝ်ႁုပ်ႈ)

ၵဵပ်းလွင်ႈတူင်ႉၼိုင်ၶူးသွၼ်

ၵဵပ်းသဵၼ်ႈမၢႆပိုၼ်းတူဝ်လုၵ်ႈႁဵၼ်း

ၵုမ်းထိင်းၸၢၵ်ႈထုၵ်ႈလိၵ်ႈ လႄႈ ထုၵ်ႈလိၵ်ႈ

ႁဵတ်းသဵၼ်ႈမၢႆၶူဝ်းၶွင်ႁူင်းႁဵၼ်း

ၵဵပ်းသိမ်းဝႆႉၶေႃႈမုၼ်းၵၢၼ်ႁဵၼ်းၵၢၼ်သွၼ်

ႁဵတ်းသဵၼ်ႈမၢႆလုၵ်ႈႁဵၼ်း၊ ပိုၼ်းလုၵ်ႈႁဵၼ်း၊ မၢတ်ႈမၢႆဝႆႉလွင်ႈတူင်ႉၼိုင်လုၵ်ႈႁဵၼ်း

ပုၼ်ႈၽွၼ်း ၽူႈၵုမ်း(ၸတ်း)ၵၢၼ် ႁူင်းႁဵၼ်း

1. ၸတ်းပၼ်-တူၺ်းထိုင်လွင်ႈယူႇ၊ လွင်ႈၵိၼ်လုၵ်ႈႁဵၼ်း
2. ၽႅၼ်၊ ၸတ်း၊ ထတ်း လွင်ႈတူင်ႉၼိုင် ၼႂ်းႁူင်းႁဵၼ်း
3. ဢွၼ်ႁူဝ်ၶဝ်ႈႁူမ်ႈ လွင်ႈတူင်ႉၼိုင် ၼွၵ်ႈႁွင်ႈႁဵၼ်း
4. မၢတ်ႈမၢႆဝႆႉ လွင်ႈတူင်ႉၼိုင်၊ ၾိင်ႈယၢမ်ႈ၊ လွင်ႈႁဵတ်းသၢင်ႈ လုၵ်ႈႁဵၼ်း ၼွၵ်ႈႁွင်ႈႁဵၼ်း
5. ယိပ်းငိုၼ်းႁူင်းႁဵၼ်း၊ ငိုၼ်းၵႃႈၽၵ်းလုၵ်ႈႁဵၼ်း
6. ႁူမ်ႈမိုဝ်းၵၼ်တင်းလုၵ်ႈႁဵၼ်းသေ ႁဵတ်းလွင်ႈလိူမ်ႈလႆႇ၊ မူတ်းသႂ်ႁူင်းႁဵၼ်း

ပုၼ်ႈၽွၼ်း ၶူးသွၼ်/မေႃသွၼ် ၼႂ်းႁူင်းႁဵၼ်း

1. ၶူးသွၼ် တေႃႇလွင်ႈႁၢင်ႈႁႅၼ်းၵၢၼ်သွၼ်လႄႈ ၵၢၼ်သွၼ်
2. ႁၢင်ႈႁႅၼ်းၵၢၼ်သွၼ်သေ သူင်ႇထိုင်ၽူႈၵွၼ်းႁူင်းႁဵၼ်းထတ်း ႁႂ်ႈၶိုတ်းတၼ်း
3. ႁၢင်ႈႁႅၼ်းၵၢၼ်သွၼ် ၸွမ်းၼင်ႇလွၵ်းၶၢဝ်းယၢမ်းသွၼ် ဢၼ်ႁူင်းႁဵၼ်းတမ်းဝၢင်းပၼ်
4. ႁၢင်ႈႁႅၼ်းၶိူင်ႈၵမ်ႉၸွႆႈၵၢၼ်သွၼ် ႁႂ်ႈၵုမ်ႇထူၼ်ႈလႄႈ ႁႂ်ႈမီးၼမ်ႉတွၼ်းၽွၼ်းလီ တေႃႇၵၢၼ်သွၼ်
5. ထတ်း၊ ပၼ်မၢၵ်ႈၵၢၼ်ႁိူၼ်းလုၵ်ႈႁဵၼ်းၶဝ်သေ သူင်ႇပၼ်လုၵ်ႈႁဵၼ်းၶိုၼ်း ႁႂ်ႈၶိုတ်းတၼ်း ၶၢဝ်းယၢမ်း
6. ပွင်ႇလႅင်းပၼ်ႁႂ်ႈလုၵ်ႈႁဵၼ်းလႆႈႁပ်ႉႁူႉယိူင်းဢၢၼ်းၵၢၼ်သွၼ်လႄႈ လွင်ႈမုင်ႈမွင်း ၵၢၼ်သွၼ်ႁႂ်ႈၸႅင်ႈလႅင်း
7. ၸႂ်ႉတိုဝ်းပပ်ႉၵၢၼ်ႁဵၼ်းၵၢၼ်သွၼ် လႄႈ ၶေႃႈမုၼ်းၵၢၼ်သွၼ် ႁႂ်ႈသၢင်ႇထုၵ်ႇမီးၽွၼ်းလီ တေႃႇ ၵၢၼ်သွၼ်လႄႈ ၵၢၼ်ႁဵၼ်းလုၵ်ႈႁဵၼ်းၶဝ်
8. သွၵ်ႈႁႃလဵပ်ႈႁဵၼ်း ထႅမ်ၼမ်ႉၵတ်ႉတူဝ်ၵဝ်ႇ၊ လွၵ်းလၢႆးသွၼ် တႃႇပိုတ်ႇပၢင်ႇပၼ်တၢင်းႁူႉ လုၵ်ႈႁဵၼ်းတႃႇသေႇ
9. ပၼ်မၢၵ်ႈ၊ ၵဵပ်းမၢၵ်ႈၵၢၼ်ႁဵၼ်း လုၵ်ႈႁဵၼ်း

ပုၼ်ႈၽွၼ်း ၶူးသွၼ်/မေႃသွၼ် တေႃႇႁွင်ႈႁဵၼ်း

ၸႂ်ႉတိုဝ်းၶိူင်ႈၸႂ်ႉ ၼႂ်းၵၢၼ်ႁဵၼ်း ႁႂ်ႈမီးၽွၼ်းလီတေႃႇၵၢၼ်ႁဵၼ်း

ၶိုတ်းတၼ်းၶၢဝ်းယၢမ်းသွၼ်

သၢင်ႈတူင်ႇဝူင်းၵၢၼ်ႁဵၼ်းဢၼ်ၽဵင်ႇပဵင်း၊ လုၵ်ႈႁဵၼ်းၵူႈၵေႃႉ မီးတိုဝ်ႉတၢင်း၊ မီးသုၼ်ႇႁူမ်ႈ၊ ဢမ်ႇမီးလွင်ႈၸႅၵ်ႇ ၽႄ တေႃႇလုၵ်ႈႁဵၼ်း ၼႂ်းႁွင်ႈႁဵၼ်း

ၸႂ်ႉတိုဝ်းၶၢဝ်းယၢမ်းၵၢၼ်သွၼ် ႁႂ်ႈမီးၼမ်ႉတွၼ်းၽွၼ်းလီ တႃႇလုၵ်ႈႁဵၼ်း

မိူဝ်ႈပၼ်ၵၢၼ်လုၵ်ႈႁဵၼ်းၶဝ်ၼၼ်ႉ တိုၵ်းသူၼ်းႁႂ်ႈလုၵ်ႈႁဵၼ်းၶဝ် ႁဵတ်းယဝ်ႉတူဝ်ႈ

ၶႆႈၸွမ်းတူၺ်း ၼႃႈၵၢၼ်ဢၼ်လႆႈတမ်းဝၢင်းဝႆႉပၼ်လုၵ်ႈႁဵၼ်း

ႁၢင်ႈႁႅၼ်းပၼ်ၵၢၼ်လုၵ်ႈႁဵၼ်း ဢၼ်ၵပ်းၵၢႆႇတင်းၵၢၼ်သွၼ်

မိူဝ်ႈလုၵ်ႈႁဵၼ်းၶဝ်မႃးဢၢပ်ႈၵၢၼ်ၼၼ်ႉ တေလႆႈထတ်းတူၺ်း၊ ပၼ်ၶေႃႈၼႄႉၼမ်းသေ ပၼ်မၢၵ်ႈၵႂႃႇႁႂ်ႈသၢင်ႇထုၵ်ႇ

ၸတ်းႁဵတ်းပၢင်ၸၢမ်းၼမ်ႉၵတ်ႉ ႁႂ်ႈမႅၼ်ႈၸွမ်းငဝ်းလၢႆး လႄႈ ၶၢဝ်းယၢမ်းသၢင်ႇထုၵ်ႇ